Kersligmedia beoordeel elke manuskrip met ontvangs om te bepaal of dit geskik is om gepubliseer te word en indien nie, word daar riglyne aan die skrywer gegee om die manuskrip aan te pas. Hierdie aanvanklike beoordeling is gratis.  Voordat die skrywer enigsins iets betaal, weet hy reeds of die manuskrip moontlikhede het om gepubliseer te word. Kersligmedia kan selfs aan die skrywer voorstel om ’n manuskrip eers aan ’n hoofstroomuitgewer voor te lê indien die skryfwerk dit regverdig.

Dit is vir Kersligmedia belangrik om die skrywer by te staan om ’n boek te publiseer wat waardig is. By ons is daar geen sprake van “enigiets word uitgegee solank daar vir die diens betaal word nie”. ’n Boek wat deur Kersligmedia se proses gegaan het, moet die beste produk wees wat die skrywer kan lewer.

Indien Kersligmedia van mening is dat ’n manuskrip na skaafwerk en aanpassings gepubliseer sal kan word, werk Kersligmedia saam met die skrywer of digter om die manuskrip te ontwikkel. Daar word vooraf ’n volledige kwotasie aan die skrywer voorsien wat die koste van elke stap behels.

Dit sluit manuskripontwikkeling, redigering, taalversorging, proeflees, uitleg, omslagontwerp en drukwerk in. Die skrywer bly deel van die hele proses om te verseker dat daar so getrou as moontlik aan sy of haar skryfwerk bly.

Na die ontwikkeling van die manuskrip word dit weer saam met die skrywer deurgewerk. Tydens redigering word daar gekyk na belangrike elemente soos byvoorbeeld: geloofwaardigheid, korrekte feite, dialoog, spanningslyn, tydlyne, karakters, balans tussen wys en vertel en talle ander aspekte. In die geval van digbundels word daar weer gekyk na kwessies soos rym, metrum en talle ander poësie-elemente.

Kersligmedia gebruik die dienste van taalversorgers en proeflesers wat ervaring het in die versorging van boektekste en gedigte. Deeglike versorging van ’n manuskrip is uiters belangrik voordat dit na die uitlegkunstenaar gaan.

Ervare uitlegkunstenaars word gebruik om die manuskrip uit te lê waarna dit weer na die proefleser teruggaan om te verseker dat foute nie ingesluip het of ongemerk verbygegaan het nie.

Die skrywer kry geleentheid om ’n voorbeeld van die tipografie t.o.v. formaat, lettertipe en bladsy-indeling goed te keur voordat die finale uitleg gedoen word.

Kersligmedia het ’n uiters kreatiewe en kundige span wat in die ontwerp van omslae spesialiseer. Die skrywer kry deurentyd geleentheid om konsep-ontwerpe te sien en insette te lewer.

Kersligmedia hanteer die aansoek van die ISBN-nommer voordat die uitleg en omslagontwerp afgehandel is, aangesien dit in die boek en op die agterblad aangebring moet word. Die aansoek om ISBN-registrasie is gratis. Die enigste vereiste is dat ’n eksemplaar van die gepubliseerde boek deur die skrywer op eie koste aan die nasionale biblioteekdiens gestuur moet word vir bewaring en vir rekorddoeleindes.

Kersligmedia gebruik gerekende drukkers wat ook deur hoofstroom uitgewers gebruik word om professionele drukwerk te verseker sodat die kwaliteit van ‘n skrywer se boek dieselfde is as dié van enige hoofstroom-uitgewer. Daar word van drie verskillende drukkers kwotasies ingewin om te verseker dat die skrywer die beste waarde vir sy geld ontvang. ’n Proefkopie word eers gedruk en deur Kersligmedia sowel as die skrywer goedgekeur voordat die finale oplaag gedruk word.

Kersligmedia reël die aflewering van die oplaag by die skrywer se deur. Kersligmedia sal die skrywer ook raad gee m.b.t. boekbekendstellings en idees vir bemarking.

Bemarking van ’n skrywer se boeke is ‘n belangrike deel van die hele proses en daar is dikwels ’n behoefte by skrywers om hulle eie webtuistes te kry en ook om ’n professionele teenwoordigheid op sosiale media te handhaaf. Kersligmedia bied ook hierdie dienste aan deur kundiges op die gebied.

Kersligmedia beoordeel elke manuskrip met ontvangs om te bepaal of dit geskik is om gepubliseer te word en indien nie, word daar riglyne aan die skrywer gegee om die manuskrip aan te pas. Hierdie aanvanklike beoordeling is gratis.  Voordat die skrywer enigsins iets betaal. weet hy reeds of die manuskrip moontlikhede het om gepubliseer te word. Kersligmedia kan selfs aan die skrywer voorstel om ’n manuskrip eers aan ’n hoofstroomuitgewer voor te lê indien die skryfwerk dit regverdig.

Dit is vir Kersligmedia belangrik om die skrywer by te staan om ’n boek te publiseer wat waardig is. By ons is daar geen sprake van “enigiets word uitgegee solank daar vir die diens betaal word nie”. ’n Boek wat deur Kersligmedia se proses gegaan het, moet die beste produk wees wat die skrywer kan lewer.

Indien Kersligmedia van mening is dat ’n manuskrip na skaafwerk en aanpassings gepubliseer sal kan word, werk Kersligmedia saam met die skrywer of digter om die manuskrip te ontwikkel. Daar word vooraf ’n volledige kwotasie aan die skrywer voorsien wat die koste van elke stap behels.

Dit sluit manuskripontwikkeling, redigering, taalversorging, proeflees, uitleg, omslagontwerp en drukwerk in. Die skrywer bly deel van die hele proses om te verseker dat daar so getrou as moontlik aan sy of haar skryfwerk bly.

Na die ontwikkeling van die manuskrip word dit weer saam met die skrywer deurgewerk. Tydens redigering word daar gekyk na belangrike elemente soos byvoorbeeld: geloofwaardigheid, korrekte feite, dialoog, spanningslyn, tydlyne, karakters, balans tussen wys en vertel en talle ander aspekte. In die geval van digbundels word daar weer gekyk na kwessies soos rym, metrum en talle ander poësie-elemente.

Kersligmedia gebruik die dienste van taalversorgers en proeflesers wat ervaring het in die versorging van boektekste en gedigte. Deeglike versorging van ’n manuskrip is uiters belangrik voordat dit na die uitlegkunstenaar gaan.

Ervare uitlegkunstenaars word gebruik om die manuskrip uit te lê waarna dit weer na die proefleser teruggaan om te verseker dat foute nie ingesluip het of ongemerk verbygegaan het nie.

Die skrywer kry geleentheid om ’n voorbeeld van die tipografie t.o.v. formaat, lettertipe en bladsy-indeling goed te keur voordat die finale uitleg gedoen word.

Kersligmedia het ’n uiters kreatiewe en kundige span wat in die ontwerp van omslae spesialiseer. Die skrywer kry deurentyd geleentheid om konsep-ontwerpe te sien en insette te lewer.

Kersligmedia hanteer die aansoek van die ISBN-nommer voordat die uitleg en omslagontwerp afgehandel is, aangesien dit in die boek en op die agterblad aangebring moet word. Die aansoek om ISBN-registrasie is gratis. Die enigste vereiste is dat ’n eksemplaar van die gepubliseerde boek deur die skrywer op eie koste aan die nasionale biblioteekdiens gestuur moet word vir bewaring en vir rekorddoeleindes.

Kersligmedia gebruik gerekende drukkers wat ook deur hoofstroom uitgewers gebruik word om professionele drukwerk te verseker sodat die kwaliteit van ’n skrywer se boek dieselfde is as dié van enige hoofstroom-uitgewer. Daar word van drie verskillende drukkers kwotasies ingewin om te verseker dat die skrywer die beste waarde vir sy geld ontvang. ’n Proefkopie word eers gedruk en deur Kersligmedia sowel as die skrywer goedgekeur voordat die finale oplaag gedruk word.

Kersligmedia reël die aflewering van die oplaag by die skrywer se deur. Kersligmedia sal die skrywer ook raad gee m.b.t. boekbekendstellings en idees vir bemarking.

Bemarking van ’n skrywer se boeke is ‘n belangrike deel van die hele proses en daar is dikwels ’n behoefte by skrywers om hulle eie webtuistes te kry en ook om ’n professionele teenwoordigheid op sosiale media te handhaaf. Kersligmedia bied ook hierdie dienste aan deur kundiges op die gebied.